Район мәдәният йортында урнашкан сайлау участогында бәйрәм рухы хөкем сөрә [+фото]

Район мәдәният йортында урнашкан 2482нче сайлау округында иртәдән бирле бәйрәм рухы хөкем сөрә иде. Биредә тавыш бирүче барлыгы 1185 сайлаучының 38е вакытыннан алда ук үзләренең гадел тавышларын биргән. Әлеге округта быел 18 яше тулып, сайлау хокукына ия 10 яшь сайлаучы беренче тапкыр тавыш бирәчәк. 9 сәгатьтә аларның бишесе инде үз тавышларын биргәннәр иде. "Сайлау бик оешкан төстә бара, сайлаучылар бик бердәм рәвештә үз тавышларын күрсәтәләр", - ди сайлау комиссиясе рәисе Рушан Хәсәншин. Иртәнге 9 сәгатьтә сайлаучыларның 30 проценттан артыгы үз тавышларын биргәннәр иде.