РФ Омбудсмены пандемия чорында Татарстан хакимияте органнары эшен мактады

Татарстан җитәкчелеге, СОVID-19 таралу куркынычына бәйле рәвештә, пандемия чорында адекват, нигезләнгән чаралар күрде. Бу хакта РФдә кеше хокуклары буенча вәкаләтле вәкил Татьяна Москалькова Казандагы КФУ студентлары алдында лекцияләрдә белдерде.

"Пандемия темасы дәвам итә. ТР Президенты Рөстәм Миңнеханов республиканың кайсы этапта булуын, ниләр эшләнүен, нинди кыенлыклар булуын җентекләп аңлатты. Татарстан тәҗрибәсенең бүген башка төбәкләр тарафыннан файдаланылуы бик мөһим. Пандемия вакытында план билгеләнде, - диде ул.

Омбудсмен билгеләп үткәнчә, кайбер республикаларда кешеләр ризасызлык белдергән, протест митингы белән чыккан, чөнки аларга карата адекват булмаган чикләү чаралары урнаштырылган дип санаганнар. Мөгаен, бу төбәкләрдә хокук пропагандасы кешеләргә эпидемиянең бөтен куркынычын җиткерә алмагандыр.

"Татарстанда бу мизгелләр яхшы дәрәҗәдә сакланган, монда без бу мәсьәләне тулысынча аңлауны күрәбез", - дип ассызыклады Москалькова.

Татьяна Москалькова "РФдә хокук яклау системасында кеше хокуклары буенча вәкаләтле вәкил институтының роле һәм урыны " дип исемләнгән лекциясен укыды. Кичә ул Татарстан Республикасында Кеше хокуклары буенча вәкаләтле вәкил институтының 20 еллыгына багышланган түгәрәк өстәл эшендә катнашты.

8 сентябрьдә кунаклар “Адымнар - белем һәм татулыкка юл” полилингваль гомуми белем бирү комплексына һәм Казанда “Мәскәү” мәдәни-ял итү үзәге бинасында сайлау участогына барачак.

Фото: Владимир Васильев

Чыганак: tatar-inform.ru