Россиягә Сириядән җиләк-җимеш кертелә башлаган

Россиягә Сириядән җиләк-җимеш һәм яшелчә кертелә башлаган. Алар гыйнвардан кертү тыелган Төркия товарын өлешчә алмаштыра алачак.

Сирия җиләк-җимеше һәм яшелчәсе белән тәэмин итүчеләр Россиянең эре компанияләре белән сөйләшүләр алып бара башлаган инде. "Коммерсант" газетасы язуынча, чит ил товарын сатып алу нияте белән Майкопта теркәлгән "Адыг-Юрак" компаниясе чыккан. Аның җитәкчелеге әйтүенчә, узган атнада Новороссийск портына Сириядән 3000 тонна чамасы продукция - апельсин, лимон, грейпфрут, помидор һәм кәбестә кертелгән.

Әлегә даими элемтәне җайга салырга сыйфатсыз төрү материалы аяк чала икән. Анысын җитештерү Сириядә ярты елсыз да җайга салына алмый икән әле.

Интертат.ру