Рөстәм Миңнеханов Ирек мәйданыннан ракета "очу" турында видео куйды

Бүген, Космонавтика көне уңаеннан, Рөстәм Миңнеханов интернетка Казандагы Ирек мәйданыннан ракета "очу" турында видео куйды.

Монтажлап ясалган видеоны ул Инстаграмдагы битендә урнаштырды. Шулай итеп Татарстан Президенты Космонавтика көне белән котлады. 

1961 елның 12 апрелендә совет космонавты Юрий Гагарин беренче тапкыр космик очыш ясады. Ул Җир тирәли орбита буенча "Восток-1" корабында әйләнеп чыкты.

http://tatar-inform.tatar