Рөстәм Миңнеханов Казан үзәгендә биек биналар төзүне тыйды

 Рөстәм Миңнеханов Казан үзәгендә биек биналар төзүне тыйды. Татарстан Президенты Тарихи торак пунктларда шәһәр төзелеше мәсьәләләре буенча Ведомствоара комиссиянең чираттагы утырышында шундый күрсәтмә бирде. 

"Без үзәктә башка бернинди дә биек бина төземибез", - диде Татарстан Президенты.

Шул ук вакытта Рөстәм Миңнеханов Татарстан башкаласының баш архитекторы Татьяна Прокофьева эшчәнлеген тәнкыйтьләде. "Сез башкаланың баш архитекторы. Иң консерватив кеше булырга тиеш", - диде ул.

Фото: tatarstan.ru