Саба боксчылары ТР чемпионаты һәм беренчелегендә - беренче

27-31 гыйнвар көннәрендә Казанда 1997-1998 елгы яшүсмерләр һәм 1996 елгылар һәм алардан өлкәнрәкләр арасында бокс буенча ТР чемпионаты һәм беренчелеге үткәрелде. Ярышларда республикабыз районнарыннан һәм шәһәрләреннән 167 боксчы катнашты. Саба балалар һәм яшүсмерләр спорт мәктәбендә шөгыльләнүче Айрат Хисамов һәм Нияз Нигъмәтҗанов (тренерлары Р.Хисамов, Р.Сәетов) үз үлчәү категорияләрендә 1 урынга лаек булып, Идел буе Федераль округы чемпионаты һәм беренчелегендә катнашу хокукына ия булдылар. Айрат яхшы техник әзерлек күрсәткәне өчен дә махсус приз белән бүләкләнде.