Сабалылар гашыйклар көнендә никахлашмаска булганнар

Ел саен 14 февральдә көнбатыш культурасыннан килеп кергән Гашыйклар көне билгеләп үтелә. Ул күбрәк яшьләргә кызыклы һәм бу бәйрәм барыбызны да тагын бер кат елмаерга һәм яраткан кешеңне котлап, күңелен күтәрергә мөмкинлек бирә. Быел Гашыйклар көне шимбәгә туры килсә дә, ЗАГС бүлегендә әйтүләренчә, районда үзләренең гаилә тормышын бу көннән башлаучылар юк икән. Мәхәббәт һәр кешенең күңелендә яши, кайберәүләр идеаль пар эзли. Әмма галимнәр мондый эзләнү ялгызлыкка китерергә мөмкин дип тә кисәтә. Һәркем үзенә тиң пар табарга лаек.