Сабаның ирекле “Волонтер” үзәге игелек өләшүен дәвам итә

Яңа уку елы башланыр алдыннан волонтерлар Икшермәнең "Тургай" приютында тәрбияләнүче балаларны "Безнең сәламәтлек - безнең кулларда!" дигән акция оештырып сөендерделәр. Үзәкнең координаторы, Саба гимназиясенең 11нче сыйныф укучысы Алинә Хәбибрахманова оешма эшчәнлеге белән таныштырганнан соң, тәрбияләнүчеләр белән хәрәкәтле уеннар оештырылды, нәниләргә районыбызның мәктәп укучылары көче белән хәстәрләнгән йомшак уеныклар таратылды. Бу көн биредә тәрбияләнүчеләр өчен чын мәгънәсендә бәйрәм булды, приют хезмәткәрләре дә, балалар да бу игелек миссиясенә бик рәхмәтле калдылар.