Татарстан Мәскәү белән бер сәгать поясында калачак, гәрчә депутатлар беренче укылышта моңа каршы булса да.
Исегезгә төшерәбез, Россиядәге элеккеге 9 сәгать зонасы хәзер 11 гә кадәр арттырылды. Сәгать зоналарын билгеләү UTC бөтендөнья вакытын координацияләүнең сәгать зоналары системасы нигезендә билгеләнә. Сәгать зоналарында җирле вакытны исәпләгәндә Мәскәү вакыты (UTC +3) башлангыч булып санала.
Беренчесенә (Мәскәү вакытыннан -1 сәгать) Калининград өлкәсе керә.
Икенче сәгать зонасында Мәскәү, Санкт-Петербург, Карелия, Коми, Татарстан, Чечня, Крым республикалары, Севастополь кала.
Өченчесенә (Мәскәү вакытына +1 сәгать) Удмуртияне һәм Самара өлкәсен кертү тәкъдим ителә. Хәзер Самара өлкәсе Мәскәү вакыты белән яши. Элек депутатлар әлеге зонага Татарстанны да кертергә теләгән иде.
Нет комментариев