Шәрәфетдинова: М12 автотрассасы ТРда кунакханәләр һәм кафелар төзүгә этәргеч бирәчәк

«Проект бик масштаблы, аның Көнбатышны Көнчыгыш белән тоташтыруын исәпкә алып. Регионнар арасында гына түгел, илләр арасында да яңа логистика юллары барлыкка киләчәк. Рестораторлар буларак, безгә килгәндә, бу юл буе хезмәт күрсәтү станцияләре, аерым торучы кафе, юл буе отельләре барлыкка килүгә китерәчәк. Болар барысы да бизнес өчен өстәмә ярдәм булачак,чөнки юллар монсыз булмый. Автоюл барлыкка килү белән безне яңа бизнес булдыру өчен яңа мөмкинлекләр көтә", - дип билгеләп үтте республиканың рестораторлар һәм отельерлар ассоциациясе директоры Галина Шәрәфетдинова.

Ассоциация башлыгы шулай ук юл буе инфраструктурасы төзелешенә кертелгән инвестицияләрнең чыгымнарын югары бәяләде.

"Юлның үткәрүчәнлеген һәм торак пунктларга якын булган нокталарны исәпкә алып, трафикны санарга мөмкин. Бу бизнесны аклый ала", — дип тәмамлады Галина Шәрәфетдинова.

М12 автотрассасын 2024 елга төзергә планлаштыралар, ул республиканың 5 районы территориясеннән узачак дип көтелә. Автомобиль юлының гомуми озынлыгы 729 км тәшкил итәчәк, шул исәптән 142 км — Татарстанда. Магистральне төзегәндә республикада биш зур чишелеш, шулай ук ясалма корылмалар һәм кичүләр төзү планлаштырыла. Шулай ук дүрт тукталыш комплексы каралган.

Чыганак: tatar-inform.ru