Симет мәктәбе командасы мәгариф хезмәткәрләренең волейбол ярышында кубок яулады

20 нче март көнне Тимершык урта мәктәбе базасында мәгариф хезмәткәрләре арасында Гараев И.Г. истәлегенә багышланган волейбол ярышының финалы узды. Биредә үз зоналарында 1-2 нче урынны алган командалар көч сынаштылар. Һәр команда ярышка ныклы хәзерлек белән килгән. Уеннар бик күңелле һәм мавыктыргыч барды. Гомуми нәтиҗәләрдән сон 1нче урынны Симет урта мәктәбе командасы, 2 нче урынны Саба гимназиясе командасы, 3 нче урынны Сәләтле балалар мәктәбе командасы яулады. Җиңүчеләргә грамота һәм акчалата бүләк тапшырылды. Симет мәктәбе командасы күчмә кубокка ия булды.