Сәламәт булыйк
Ел саен 7 апрельдә Бөтендөнья сәламәтлек көне билгеләп үтелә һәм авырмый яшәү рәвешен пропагандалаучы төрле чаралар үткәрелә. Һәр елны әлеге дата глобаль проблемаларга багышлана һәм аерым девиз астында үтә. Бөтендөнья сәламәтлек оешмасы 2020 елны шәфкать туташлары һәм акушерлык хезмәте эшчәннәре елы дип игълан итте һәм шул уңайдан әлеге хезмәтнең тормыштагы ролен күтәрүгә багышлана.
Дөньякүләм дата уңаеннан һәркемгә сәламәтлек теләү матур традициягә әйләнде. Коронавирус пандемиясе вакытында моның әһәмияте тагын да артты. Сәламәтлек марафонына кушылырга теләүчеләр һәркемгә саулык теләгән кыска видео яздырып, #будьздоров #behealthy тегы белән үзләренең инстаграм, социаль челтәрләренә урнаштыра алалар. Шулай ук 6 апрельгә кадәр marafon@nationalpriority.ru электрон адресына да җибәрергә мөмкин. Сәламәт булыйк.
Саба үзәк хастаханәсе мәгълүматлары буенча 2020 елның 1 апреленә Саба районы буенча имин булмаган илләрдән кайткан 19 кеше медицина күзәтүе астында тора. Коронавирус белән зарарлану очраклары теркәлмәгән.
Следите за самым важным и интересным в Telegram-каналеТатмедиа
Нет комментариев