Соцпакет бәясе артты: хәзер ул 881 сум 63 тиен тәшкил итә

Агымдагы елның 1 апреленнән, пенсияләрдән тыш, социаль хезмәтләр җыелмасы өчен каралган сумма да артып, 881 сум 63 тиен тәшкил итте. Шуның эченнән медикаментлар алуга - 679,05 сум, санатор-курорт дәвалануына юлламага - 105, анда бушлай барып кайтуга 97 сум 53 тиен каралган. Аңарчы (1 апрельгә кадәр) социаль пакет 839 сум 65 тиен иде. Безнең районда социаль хезмәтләр җыелмасыннан 5305 кеше файдаланырга хокуклы. Хәзерге вакытта шуларның 4396е, соцпакеттан баш тартып, акчалата компенсация ала.