Статистика эшсезләр кимүен күрсәтә

Статистик мәгълүматларга караганда, 26 майга Татарстанның эш белән тәэмин итү үзәкләрендә 17431 эшсез кеше теркәлгән. Узган атна белән чагыштырганда 261 кешегә кимрәк дигән сүз. Эшсезлек дәрәҗәсе кимеде, бүгенге көндә 0,85%ны тәшкил итә, ди Татарстанның Хезмәт, мәшгульлек һәм социаль яклау министрлыгының матбугат үзәге хезмәте.

Республикада эш белән тәэмин итүче үзәкләрдә 33486 вакансия тәкъдим ителә. Соңгы атнада гына да эш тәкъдим итүче оешмалар 2886 эш урыны ачык дип белдергән.

Шәһри Казан