Татарстан хөкүмәте Казанда метро төзелеше өчен 3 млрд сум акча бүлеп бирде

Казан метрополитенының берече тармагының соңгы, унберенче станциясе «Имәнлек»не август аенда ачтылар. «Җиңү проспекты» һәм «Имәнлек» станцияләре арасы төзелеше 5,2 млрд сумга төште.
Гыйнвар аенда икенче тармакта әзерлек эшләре башланды. Беренче дүрт станцияне — «Юлиус Фучик проспекты», «10 нчы микрорайон», «ТАССРның 100 еллыгы» һәм «Академик Сахаров урамы» — линиягә бәйсез рәвештә җибәрергә җыеналар. Метро төзелешенә 1 млрд сумны швед компаниясе  IKEA инвестицияләячәк: аның «Мега» сәүдә үзәге Сахаров урамында урнашкан.

Киләчәктә «Имәнлек» станциясендә беренче линиядән икенчесенә күчеп утыру мөмкин булыр дип нияләнә.

Фото: https://pixabay.com | Free-Photos

http://maydan.tatar