Татарстан Кырымдагы Форос паркында «Ак Барс» балалар комплексы ачачак

«Татмедиа» медиахолдингы делегациясе Кырымга эш сәфәре барышында балалар-яшьләр сәламәтләндерү комплексы төзелешен карады. «Татинвестгражданпроект» төзүчесе вәкиле Кира Маслова республика массакүләм мәгълүмат чаралары вәкилләренә Форос бистәсендәге күп катлы ландшафт паркына 1834 елда нигез салынуы турында сөйләде. Кырымның көньяк ярындагы парк туристларның иң яраткан урыны булып тора, аның мәйданында 200 төрдән артык экзотик агач һәм куаклар үсә, биредә шулай ук теплицалар урнашкан. Анда күп агачлар океан аша  Һиндстан һәм Америкадан кайтартылган.

«Ак Барс» сәламәтләндерү комплексы төзелеше 2021 ел башыннан бирле шәһәр паркының иң көнбатыш һәм иң ерак өлешендә алып барыла. Гомуми мәйданы 7,2 гектар булган комплекс парк территориясендә урнашкан, ул 70 га мәйданны били.

Элек биредә ташландык бина һәм корылмалар гына булган, ә төзелеш нәтиҗәсендә парк заманча төс алды. Реконструкция һәм төзелеш урынында инде балалар сәламәтләндерү лагере бар. Әмма ул инде искергән.  Хәзер биредә балалар-яшьләр сәламәтләндерү комплексы булачак, анда балалар белән очрашуга танылган остазлар чакырылачак.

Биредә Татарстаннан да, Россиянең башка төбәкләреннән дә балалар ял итә алачак. "Сменалар концепциясе бүгенге көндә эшләнә. Үзәктә профильле сменалар оештырылачак. Төрле сменаларга яшь спортчылар, мәдәният вәкилләре, шулай ук фән белән шөгыльләнүче балалар һәм башка бик күпләр килә ала. Беренче сменаны техник режимда быел күрергә планлаштырабыз", -дип хәбәр итте "Татар-информ"га  төзүче вәкиле.

Паркта нәрсә төзиләр?

«Ак Барс» балалар-яшьләр сәламәтләндерү комплексы ике йокы корпусыннан, ашханә, клуб, спорт комплексы һәм бассейннан торачак.

Форумдагы Татарстан проекты BIM технологияләр: реаль объектларның цифрлы прототипларын кулланып, өчүлчәмле модельләштерү ярдәмендә эшләнгән. Төзелештә югары технологияле материаллар кулланылган, ә объектларның концептуаль интерьеры балаларның зәвыгын исәпкә алып булдырылган.

Төзелешнең беренче чиратын агымдагы ел ахырына кадәр тапшыру планлаштырыла, икенчесен — 2022 елның июненә. Беренче чират кысаларында күпфункцияле спорт комплексы, клуб, 225 балага исәпләнгән ашханә, 11 вожатыйга исәпләнгән йокы корпусы, балалар өчен йокы корпусы төзелгән.

"Шулай ук якын-тирә территория актив төзекләндерелә һәм икенче чиратка әзерлек бара. Икенче чират кысаларында бассейн һәм тагын бер йокы корпусы барлыкка киләчәк", - дип аңлатты Кира Маслова.

Спорт комплексы бадминтон, волейбол, баскетбол, хореография белән шөгыльләнү өчен исәпләнгән. Зал канатлар, боҗралар, швед стеналары, киенү-чишенү бүлмәләре, скалодром белән җиһазландырылган. Биредә шулай ук медицина пункты урнашкан, мобиль сәхнә урнаштыру мөмкинлеге бар.

"Форостагы уникаль парк парк хуҗалыгына ярдәм итә, анда тәүлек әйләнәсе 50 хезмәткәр эшли, «Форос» шифаханәсе дә бар. "Балалар үзәге төзелеше мәйданы паркның 10% ын били.  Заманча сәламәтләндерү комплексы һәм яңартылган парк Кырымның көньяк яр буенда туристларны җәлеп итәргә ярдәм итәчәк", — дип нәтиҗә ясады Кира Маслова.

Чыганак: tatar-inform.ru