Саба таңнары

Татарстан музыка мәктәпләре илкүләм проект буенча 106 млн сумлык уен кораллары алды

Республиканың 14 белем бирү учрежденисе яңа музыка уен кораллары белән тәэмин ителде.

2020 елда Татарстанда «Мәдәният» илкүләм проекты кысаларында 14 белем бирү учреждениесе барлыгы 106 миллион сумлык музыка уен кораллары белән тәэмин ителде. Шулай ук республикада 8 авыл мәдәният йорты төзелде һәм Чаллыда курчак театрына капиталь ремонт ясалды. Бу хакта Татарстанда илкүләм проектларны гамәлгә ашыруны күзәтеп торучы ТР Икътисад министрлыгы хәбәр итә.

Шулай ук үткән ел Татарстанда илкүләм проектлар буенча гомум белем бирү, музыка һәм спорт мәктәпләре, медицина учреждениеләре, урман хуҗалыкларының матди-техник базасы ныгытылды, аларга кирәкле күп төрле җиһазлар алынды. Татарстан Хөкүмәте аерым категория гражданнарга социаль түләүләр билгеләү һәм ярдәм итү өчен чаралар күрде, өстәмә белем алу мөмкинлеге тудырылды.

Республикада илкүләм проектларны гамәлгә ашыру дәвам итә. 2021 елда әлеге максатларга 23 миллиард сум юнәлдерергә планлаштырыла.

Реклама

Мәгълүм булганча, Россиядә илкүләм проектлар 2019 елдан РФ Президенты Владимир Путинның шул хактагы «май» указы чыкканнан соң гамәлгә ашырыла башлады. 

Фото: архив "Татар-информ"

Чыганак: tatar-inform.tatar

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: