Татарстан Президенты Россия эшмәкәрлек көнендә республиканың бизнес-бергәлеге белән очрашачак

автор, 25 май 2021 - 08:43

543

Татарстан Республикасы Икътисад министрлыгы, Россия эшмәкәрлеге көнендә, 26 майда, Татарстан Республикасы Президенты Рөстәм Миңнеханов һәм икътисад министры Мидхәт Шаһиәхмәтов катнашында республика бизнес-җәмәгатьчелеге белән очрашу уздырачак.

Эшлекле вакыйга программасы Татарстан Республикасында эшкуарлыкны үстерүнең уңай шартларын формалаштыруга, бизнесны алып баруга заманча якын килүне пропагандалауга, эшкуарлык эшчәнлегенең абруен күтәрүгә юнәлдерелгән.

Чараны Татарстан Республикасы Президенты Рөстәм Нургали улы Миңнеханов республика эшмәкәрләрен һөнәри бәйрәмнәре белән котлый.

Чара спикерлары сыйфатында эшчәнлекнең төрле өлкәләрендәге яшь эшмәкәрләр һәм тәҗрибәле идарәчеләр чыгыш ясаячак, алар нәтиҗәле бизнесны үстерү өчен тәҗрибә һәм белемнәр белән уртаклашачак һәм ТР Икътисад министрлыгының белем бирү программалары барышында алынган кейслар тәкъдим итәчәк.

Чара барышында шулай ук бушлай «Быстрый старт» бизнес-марафоны да эшләтеп җибәреләчәк. Марафонда катнашучылар 7 көн эчендә минималь инвестицияләр белән бизнесны ничек оештырырга һәм үз эшләрен үстерүгә 100 000 сумга кадәр грант өчен көрәшә алачаклар.

Шулай ук #Мойбизнеспомогает хәйрия акциясенә старт биреләчәк. Акция кысаларында балаларны яклау көнендә (1 июнь) яшь эшкуарлар катнашында хәйрия ярминкәләре узачак, алар җитештергән продукцияне сату проценты балалар хосписына ярдәм итүгә юнәлдереләчәк. Моннан тыш, мәктәпкә әзерлек өчен өлкән яшьтәге кешеләр һәм аз тәэмин ителгән гаиләләрдә тәрбияләнүче балалар өчен акча җыю оештырылачак.

Чара 26 майда Түбән Камада узачак. Старт 10: 40 сәгатькә планлаштырылган.

Бизнес-повестка белән кызыксынучылар Ютубтагы онлайн-трансляциягә түбәндәге сылтама буенча кушыла ала: