Татарстанда автобус юлдан төшеп китеп капланган, зыян күрүчеләр дә бар [+фото]

ТР Сәламәтлек саклау министрлыгы мәгълүматлары буенча, һәлакәт ТР Бөгелмә районының Солдат Писмәнкәсе - Сумаруково юлының 7 нче чакрымында булган. «Самара-Ижевск шәһәрара автобусының кюветка төшеп китүе нәтиҗәсендә сигез кеше зыян күргән, алар арасында балалар юк», - дип ачыклык кертте министрлык вәкиле.

Юл-транспорт һәлакәте урынына өч ашыгыч медицина ярдәме бригадасы килгән. Бер зыян күрүче авыр хәлдә. 6 кешенең хәле уртача авырлыкта дип бәяләнә, берсе җиңелчә җәрәхәт алган. Зыян күрүчеләр Бөгелмә Үзәк район хастаханәсенә озатылган.

http://tatar-today.ru