Татарстанда Халыкара Туган телләр көнен 170 ысул белән билгеләп булачак

Ел саен 21 февральдә Халыкара туган тел көне билгеләп үтелә. Татарстанда бу көнгә 170 мәдәни чара туры киләчәк. Бу хакта Халыкара туган телләр көне айлыгына багышланган матбугат конференциясендә ТР мәдәният министры урынбасары Дамир Натфуллин хәбәр итте.

"Мәгариф һәм фән министрлыгы, Мәдәният министрлыгы белән берлектә Халыкара туган тел көнен уздыру планын раслады. Планда барлыгы 170 чара исәпләнә. Алар төрле форматта узачак, чөнки 2020 ел нәтиҗәләре буенча чаралар үткәрү форматы киңәйде», - дип сөйләде Дамир Натфуллин.

Министр урынбасары кайбер вакыйгалар онлайн-форматта узачак, дип ачыклык кертте.

Фото: Султан Исхаков

Чыганак: tatar-inform.ru