Саба таңнары

Татарстанда «Татарча хатасыз!» фотомарафоны башлана

Татар телендә хаталы язылган элмә такта табарга кирәк була. Татарстанда «Татарча хатасыз!» фотомарафоны башлана. Бу чараны Бөтендөнья татар яшьләре форумы, ТР Мәгариф һәм фән министрлыгы һәм "Ватаным Татарстан" газетасы гамәлгә куя. Марафонның бурычы - татар телендә грамматик, синтаксик һәм стилистик хаталар белән язылган элмә такта, мәгълүмат таблосы, юл билгесе, баннер,...

Татар телендә хаталы язылган элмә такта табарга кирәк була.

Татарстанда «Татарча хатасыз!» фотомарафоны башлана. Бу чараны Бөтендөнья татар яшьләре форумы, ТР Мәгариф һәм фән министрлыгы һәм "Ватаным Татарстан" газетасы гамәлгә куя.

Марафонның бурычы - татар телендә грамматик, синтаксик һәм стилистик хаталар белән язылган элмә такта, мәгълүмат таблосы, юл билгесе, баннер, реклама аншлагы, күрсәткечләр һ.б. ны табып фотога төшерү.

Фотомарафон ике этапта узачак. Беренче этап 21 февральдә - Халыкара туган тел көнендә старт ала. Ярышларда һәркем катнаша ала.

Беренче этап ай буе дәвам итә һәм Казанда узачак фотомарафон финалы өчен сайлап алу туры булачак. Бу этапта татар телендә грамматик, синтаксик һәм стилистик хаталар белән язылган элмә такта, мәгълүмат таблосы, юл билгесе, баннер, реклама аншлагы, күрсәткечләр һ.б. табып фотога төшерү, элмә такталарның ике телдә дә язылуын күзәтергә һәм фотоларны "Халык контроле" порталына урнаштырырга яки фотомарафонның махсус электрон почтасына (xatasiz2015@gmail.com) катнашучының исем-фамилиясен, телефонын күрсәтеп, бер файл итеп җибәрергә.

Фотолар 10 майга кадәр кабул ителә.

Иң күп фото җибәрүчеләр фотомарафонның икенче этабына уза. Ул этап Казанда 16 майда уза. Һәр катнашучыга бирем язылган маршрут бите бирелә.

Җиңүчеләргә IРhone, фотоаппарат һәм электрон китап кебек кыйммәтле бүләкләр тапшырылачак. Бүләкләү чарасы 20 майда Казанда уздырыла.

Фотомарафон, "2014-2020 елларда ТР да Татарстан Республикасы дәүләт телләрен һәм башка телләрне саклау, өйрәнү һәм үстерү" дәүләт программасын гамәлгә кую максатыннан, үткәрелә, дип хәбәр итә Бөтендөнья татар яшьләре форумы матбугат хезмәте.

Татар-информ

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: