Саба таңнары
  • Тат Лат
  • Татарстанның табибларына һәм шәфкать туташларына 3 меңнән артык волонтер-медик ярдәм итә

    Республика медицина персоналына ярдәм күрсәтергә, волонтерлык хәрәкәтенә кушылып, теләге булган һәркем булдыра ала.

    Татарстанда табибларга һәм шәфкать туташларына 3 260 волонтер-медик ярдәм итә. Бу хакта “Татар-информ” МА хәбәрчесенә “Волонтер-медики” Бөтенроссия иҗтимагый хәрәкәтенең Татарстан төбәк бүлеге җитәкчесе һәм “Без бергә” гомумроссия акциясенең волонтерлык штабы җитәкчесе Анна Макарова сөйләде.

    Татарстанда 3 мең 260 волонтер бар. Бу Казан дәүләт медицина университеты студентлары, Татарстан Республикасы буенча барлык медицина колледжлары, Казан дәүләт медицина академиясе ординаторлары, шулай ук медицина отрядлары укучылары", - дип билгеләде ул.

    Волонтерларның төп бурычы - хастаханәләрдә һәм поликлиникаларда медицина персоналына ярдәм итү.

    "Бу термометрияне тормышка ашыру, кабул итү-диагностика бүлекләрендә, күзәтү һәм реанимацияләрдә ярдәм. Волонтерлар шәфкать туташларына да, табибларга да ярдәм итә. Шулай ук зур профилактик эш алып барыла», - дип аңлатты Макарова.

    Волонтер сөйләвенчә, яңа коронавирус инфекция шартларында эшләү җиңел түгел: саклык костюмнарын, битлекләрен, экраннарын, перчаткаларын кияргә кирәк, чөнки куркынычсызлык бөтенесеннән өстен.

    Медицина көллияте һәм югары уку йортлары студентлары гына волонтер-медик була алмый. Хәрәкәткә кушылу өчен сайтта теркәлергә кирәк: волонтерымедики.рф һәм «ВКонтакте» дагы хәрәкәт төркеменә керергә. Анда җитәкчеләрнең контактлары күрсәтелгән, алар волонтер эше турында тәфсилләп сөйләргә һәм теләүчеләрне өйрәтергә мөмкин.

    Фото: архив/Рамиль Гали

    Чыганак: tatar-inform.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: