Татарстанның бер мәктәбендә 12 кеше тычкан бизгәге эләктергән: мәктәп директорына штраф салганнар

Соңгы ике айда Мамадышта 72 кешене тычкан бизгәге диагнозы белән больницага салганнар. Алар арасында мәктәптә укучы һәм эшләүче 24 кеше дә бар. Бу авыру санитар-эпидемиологик кагыйдәләрне бозу аркасында килеп чыккан дип фаразлана. Районның Пристань Берсутск мәктәбендә барлыгы 12 кеше тычкан бизгәге эләктергән. Прокуратура мәктәп директорына 3 мең сум штраф салган. Тагын берничә мәктәп директоры санитар таләпләргә бармак аша карауда шикләнелә.

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен