Арташта фермерлар терлек симертәләр, җиләк үстерәләр, балык үрчетәләр...

  Арташ  авыл  җирлеге башлыгы Алмаз Әгъләмҗанов чыгышын­да шушы биләмәдә теркәлгән крес­тьян-фермер хуҗалыклары эш­чән­леге киң яктыртылды. Фермерлар сөтчелек, үгезләр симертү, җиләк-җимеш культуралары үстерү, балык, “Татар аты” токымлы атлар үр­четү юнәлешләрендә нәтиҗәле эшли.  2018 елдан ачылган  “Арташ” кулланучылар  коо­пе­ративының әгъ­­залары  инде  272гә  җиткән. Җир­­лектә һәр учреждение спорт, мә­­дәният чараларында, җәмәгать эшләрендә актив катнаша. Арташта мотоспорт популярлашты. Биредә 1 июньдә әлеге спорт төре буенча республика чемпионатының беренче этабы үтәчәк. “Барыгызны да әлеге чарага чакырып калам”,– диде җирлек башлыгы.