Дәү әтисе белән оныгы шәп йөзделәр!

 Чараның төп  шарты буенча бәйгедә бер гаиләдән бабай (әби) үзенең 14 яшькә кадәрге оныгы белән катнашырга тиеш иде. Спортчылар 50 метрлы дистанциядә шәхси һәм эстафета дисциплиналарында узыштылар. Ярышта Сабадан Әмин  Миңнегулов оныгы Тимур белән катнашты. Тимурның 7 ел бассейнга йөзүгә йөрүе үзен сиздерде. Ул шәхси дисциплинада 3нче призлы урынны яулады. Командалар арасында безнекеләр 33 шәһәр һәм район вәкилләре арасында 12нче урынны алдылар. "Буыннар элемтәсе" бәйгесе ноябрь ахырында өстәл теннисы буенча үтәчәк.

Рәшит Кәримов.