«Ялкын» журналы призына ярыштылар

25-27 февральдә Мамадыш районы Түбән Ушмы авылында «Ялкын» журналы призына спорт остасы, Мамадышның мактаулы гражданины Рафаэль Мөхәммәтшин истәлегенә 2009-2010 елгы үсмерләр арасында көрәш буенча Татарстан беренчелеге үткәрелде. Ярышларда республика авыл һәм шәһәр районнарыннан 48  команда, 330дан артык   көрәшче катнашты. Сабадан бил алышырга Шамил Миңнуллин, Тимерхан Әхмәтов, Булат Йомагулов, Риназ Гарипов, Инсаф Әхмәдуллин, Динияр Минкәбиров, Камил Сәлахиев, Кәрим Фәттахов, Илшат Ибраһимов барды. Җыелма  команда   сынатмады һәм  гомуми зачетта 3нче урынны  алды. Тимерхан Әхмәтов (50 кг.), Риназ Гарипов (55кг), Камил Сәлахиев (70 кг.), Илшат Ибраһимов (100 кг.)Татарстан призерлары булдылар (тренерлары  Делюс Закиров, Илдар  Ермолаев).