Ике Басу Арташ авылында “Җырлыйк әле” шоу-проекты үтте

автор, 14 март 2022 - 11:34

983

12 март көнне Ике Басу Арташ авылы мәдәният йортында Финанс-бюджет палатасы, Үзәкләштерелгән бухгалтерия һәм территориаль казначылык департаменты бүлекчәсе хезмәткәрләре тарафыннан “Җырлыйк әле” шоу-проекты тәкъдим ителде.

Чараның төп уенчылары: Үзәкләштерелгән бухгалтерия бухгалтерлары Илнар Галиев, Ләйсән Нәҗипова, Рузилә Ганиева, Эльвина Исмәгыйлева, Айзирә Нәҗметдинова һәм Финанс-бюджет палатасы белгече Диләрә Миникаева. Чара 3 өлештән торды, һәрберсендә халык күңеленә якын булган ретро җырлар яңгырады. Тамашачыларга да уенчыларга кушылып җырлау өчен мөмкинлек тудырылган иде, һәр җырның тексты экранда да тәкъдим ителде. Шулай ук егет-кызларыбызның дәртле биюләре дә беркемне дә битараф калдырмады, тамашачы һәр чыгышны ихлас алкышлар белән күтәреп алды.