Иске Икшермә авылында яшәүче сугыш ветераны Камил Якуповка 95 яшь

Бүген Иске Икшермә  авылында  яшәүче сугыш  ветераны Камил Якуповка 95  яшь тулды. Туган көне уңаеннан ветеранны хәрби  комиссар Фәнис  Закиров, район ветераннар  советы рәисе  Фәнил Ильясов,  Иске Икшермә  авыл  җирлеге башлыгы  Нияз Нурмөхәммәтов, “Мөхәммәтшин”  крестьян-фермер хуҗалыгы башлыгы  Зөфәр Мөхәммәтшин тәбрикләде. Барысы да Камил Юныс  улына сәламәтлек теләделәр, юбилей    күчтәнәчләре тапшырдылар.