Кайда күпме сөт савалар?

   Авыл хуҗалыгы һәм  азык-төлек идарәсе оператив мәгъ­лү­матларыннан күренгәнчә, 28 октябрьдә район терлекчелек комплексларында һәм фермаларында  һәр  сыердан  уртача 28,4  килограмм сөт  савып  алынган. Бу былтыргының шушы көне күрсәткеченнән 2,1 килограммга күбрәк. Савым сыерларның продуктлылыгы “ПМК” җәмгыятендә  – 37,8, “Мөхәммәтшин” крестьян-фермер хуҗалыгында 36,5  килограмм  тәшкил итә. Шулай ук “Нырты” предприятиесендә дә җитештерүне узган  ел  күрсәткеченә карата 3,8  литрга  арттырдылар.

Район буенча 28  октябрьдә дәүләткә    3,5 процент  майлылыктагы, югары сортлы  326,6 тонна  сөт озатылды.