«Капка янында» кич утыру

автор, 10 сентябрь 2020 - 09:47

794

9 сентябрь көнне Килдебәк авыл мәдәният йорты хезмәткәрләре, китапханәче белән берлектә, Килдебәк авылы халкы өчен «Капка янында» дип исемләнгән кич утыру оештырдылар. Кич утыру - ул безгә мирас буенча килгән халык гореф-гадәтләренең берсе.

Чарада катнашучылар кич белән капка янында күңелле аралашу өчен җыелдылар. Мондый очрашулар гадәти тормышны төрлеләндерергә ярдәм итә.
һәр авылда үз кич утырулар булган. Аларда үзләрен күрсәтергә, башкаларга карарга, такмаклар әйтергә, халык җырларын, көлкеле җырлар җырларга һәм күңел ачарга җыелганнар. Шулай итеп әкиятләр, җырлар, мәкальләр, әйтемнәр, уеннар барлыкка килгән.