Коляда-коляда, бәла-казага - юк, ә бәхеткә – “әйе!”

Раштуа көнендә Кырбаш клубы мөдире Надежда Черненко авылдашлары белән берлектә традицион “Коляда, коляда! Капкаңны ач!” бәйрәме  үткәрде. Коляда – борынгы Раштуа йоласы. Яңа  елда йорт хуҗаларына муллык, бәхет, бәрәкәт  теләү бәйрәме. “Без өйдән-өйгә йөреп, коляда әйтеп, гармунга  кушылып җырлап, авылдашларны Раштуа бәйрәме белән котлап йөрдек. Ә хуҗалар  кыздырылган үрдәк, бәлеш, төрле тәм-томнар белән сыйладылар. Коляда  кешеләрне беләштерә, гореф-гадәтләрне  саклауның   мөһимлеге турында искәртә”,– диде  Надежда Черненко. Якты һәм дәртле чара авыл халкында  уңай кичерешләр тудырган.