«Кынгырау» балалар бакчасында кабатланмас «Күңеллеләр һәм тапкырлар атнасы» үтте

Сабаның 4 нче «Кынгырау» балалар бакчасында кабатланмас «Күңеллеләр һәм тапкырлар атнасы» үтте. Нәниләр атна буе табышмакларны чишү, кечкенә сәхнәләр уйнау, матур итеп шигырьләр уку һәм җырлар җырлау, финанс грамоталылыгы нигезләрен өйрәнү, робот Ботли һәм Робомыш ярдәмендә программалаштыру буенча ярыштылар. Атна алкышлар өермәсе, бетмәс-төкәнмәс дәртле көлү һәм балаларның эмоциональ уңай зарядын уятты. Беренчеләр хәрәкәте волонтерлары белән очрашу узды. Алар әзерлек төркеме балалары белән уеннар үткәрделәр.