Мәгариф хезмәткәрләренең кышкы спартакиадасы
Физик культураны пропагандалау, спортны популярлаштыру һәм физкультура-спорт эшен көчәйтү максатларында, 1 март көнне Лесхоз бистәсендә мәгариф хезмәткәрләренең кышкы спорт төрләре буенча спартакиадасы булып узды.
Анда 200 дән артык кеше катнашты. Катнашучылар түбәндәге дисциплиналар буенча ярыштылар: “чаңгы ярышлары”, “шорт-трек”, “турникта тартылу”, “отжимание”, “аркан тарту”.
Җиңүче исемен Шәмәрдән лицее командасы яулады, икенче урынга Эзмә урта мәктәбе командасы һәм өченче урынга Лесхоз урта мәктәбе командасы лаек булды. Шулай ук спортның 5 төре буенча шәхси беренчелеккә йомгак ясалды. Җиңүчеләргә Мәгариф идарәсе һәм Саба район мәгариф хезмәткәрләре профсоюз оешмасының Мактау грамоталары һәм акчалата бүләкләре тапшырылды. Җиңүче команда күчмә кубокка ия булды.
Фото: http://saby.tatarstan.ru/
Следите за самым важным и интересным в Telegram-каналеТатмедиа
Нет комментариев