Миңгәргә гроссмейстер килде

   Бәйгене  ачу тантанасында яшьләр  эшләре һәм  спорт бүлеге начальнигы Ирек Гарипов, Тимершык авыл җирлеге башлыгы Айдар Хаҗиев, Казаннан  килгән гроссмейстер Дмитрий  Цинман,  спорт остасы Фәрид Шәйдулов катнашты. Ярышлар башланганчы Мидхәт абыйның тормыш иптәше Шәмсүнә апага чәчәк бәйләмнәре тапшырылды. Башта  шахмат турниры булды һәм ир-егетләр  арасында Салават Габдрахмановка җиңү китерде. Айдар Ганиев – 2нче, Илназ Газизуллин 3нче  урынны  алды. Ветераннар арасында (65+) иң матур уенны Шамил Галиев күрсәтте. Хәмит Мөгътәсимов –2нче, Илһам Нургалиев 3нче булды.

   Хатын-кызлар төркемендә иң  күп  очконы Дилә Гайзуллина җыйды. Илсөяр Низамиева, Резеда Әкбәрова призерлар  булдылар.  Алтмыштан өлкәнрәкләр бәйгесен Наилә Лутфуллина  әйдәде.  Әлфия Юзмиева белән Нәкыя Төхвәтуллина 2нче-3нче  урыннарны  бүлеште.

Шашка турнирында Нәзир Дәүләтгәрәев белән Алсу Гарипова, Азат Әхмәтов (ветеран), Гөлниса Төхвәтуллина  (ветеран),  җиңү яулады. Габдулла Заһидуллин, Замир Низамиев, Айзилә Шакирова, Гөлназ Закирова, 60тан  узганнардан Фәния  Шәмсетдинова, Райлә Фәтхуллина, Мәгъсум Галиуллин, Әмин Миңнегулов призерлар исемлегенә керделәр.  

     Двоеборьены (шашка-шахмат) очколарны кушып исәпләгәннән соң җиңүче булып Илфат Сөнгатов танылды.  Альберт Вәлиуллин – 2нче, Илфат Ханнанов 3нче  урыннарны  алды.

   Соңыннан Дмитрий  Цинман һәм Фәрид Шәйдулов барлык  катнашучылар  өчен шашкадан  сеанс үткәрделәр. Аларны ота  алучылар табылмады. Турнирның приз  фонды 100 мең  сум тәшкил итте. Спортчылар даими спонсорыбыз  Җәүдәт Миннәхмәтовның, тормыш иптәше  Фәридә ханымның алдагы  елларда  да   матур традицияне дәвам итәчәгенә зур  ышаныч белдерә.

Азат Әхмәтов.

Турниры  оештыручы,  шашка буенча (команда) Россия призеры, инвалидлар  арасында 10 тапкыр  Татарстан  чемпионы.