“ПОГОНЛЫЛАР”ГА ЫШАНЫЧ МӨҺИМ
Оперативниклар бар эштә дә оператив. Гадәттәгечә, узган елдагы эшчәнлекләренә Россия Эчке эшләр министрлыгының Са-ба бүлеге беренчеләрдән булып йомгак ясады. Киңәшмәдә район башлыгы Рәис Миңнеханов катнашты. Бүлек начальнигы Васил Исмәгыйлов үзенең чыгышында әйткәнчә, ел шактый киеренке булган. Эшчәнлекләрен I кварталда Федераль иминлек хезмәтенең республика идарәсе, II кварталда Россия Эчке эшләр министрлыгы комиссиясе тикшергән. Шунысы куанычлы, нәтиҗәләре уңай.
Бүлек 2019 елга куелган бурычларны үтәгән. Хезмәткәрләр 12 ай дәвамында министрлык үткәргән 60ка якын оператив-профилактика чарасында катнашкан. Күбесе комплекслы характерда, бу исә хезмәт итүчеләр составының күпчелеген җәлеп итүне сорый. Әлеге чаралар кысаларында полициядә исәптә торучылар (шул исәптән ау мылтыгы булганлыктан учетка куелучылар да) белән күләмле профилактика эше алып барылган. Шулай да әлегә җинаятьләр саны гына кимеми, ягъни 2018 елгы дәрәҗәдә калган. Динамика үзгәрми, ә структурасына килгәндә урлау, талау, алдау фактлары кимрәк теркәлгән. Террор характерындагы һәм экстремистик юнәлештәге җинаятьләр булмаган. Сабантуй көнне бинага шартлаткыч куелуы турында ялган хәбәр биреп кызык ясарга теләгән кешенең шунда ук эзенә төшкәннәр. Кызганычка каршы, үтерү, кешегә җиңелчә зыян салу фактлары арткан. Алкогольне законсыз сату очраклары да күбрәк теркәлгән. Җинаятьләрнең 92,6 проценты ачылган, бу 2018 ел күрсәткече белән чагыштырганда 1,9 процентка яхшырак...
Тулырак язманы "Саба таңнары" газетасында укый аласыз
Автор фотолары
Следите за самым важным и интересным в Telegram-каналеТатмедиа
Нет комментариев