Райондашларыбыз Казанда узган бәйрәм чарасында катнашты
Казанда яңа ачылган Г.Камал театрында Республика Рәисе Рөстәм Миннеханов катнашында хатын-кызлар көне уңаеннан бәйрәм чарасы булып узды. Тантанада Саба районыннан да социаль яклау бүлеге начальнигы Лилия Гайнетдинова катнашында делегация катнашты.
Татарстан Республикасы Рәисе Рөстәм Миңнеханов күп балалы аналарга дәүләт бүләкләре тапшырды. Кунакларны бәйрәм белән котларга Татарстанның Дәүләт Киңәшчесе Минтимер Шәймиев һәм башка рәсми затлар килгән иде.
«Тантаналы чарага республиканың социаль-икътисадый үсешенә, мәдәни, рухи кыйммәтләрнең саклануына, үсеп килүче яшь буынны тәрбияләүгә, гаилә институтын ныгытуга зур өлеш керткән хатын-кызлар, иҗтимагый оешмалар вәкилләре, махсус хәрби операциядә катнашучыларның аналары, хатыннары һәм туганнары чакырылды», – дип ачыклык кертә ТР Хезмәт һәм социаль яклау министрлыгының матбугат үзәге.
Следите за самым важным и интересным в Telegram-каналеТатмедиа
Нет комментариев