Райондашыбыз Айзилә Гарифуллина «Илһам чишмәсе» V төбәкара җыр бәйгесе лауреаты булды

  Сарман районының Илhам Шакиров исемендәге Сарман  сәнгать мәктәбендә  «Илһам чишмәсе» V төбәкара җыр бәйгесе булып үтте. Бәйгенең төп максаты: татар милләтенең легендар җырчысы И.Г. Шакировның иҗатын таныту, аның исемен мәңгеләштерү, бөек шәхесебез һәм шул чор җырчыларыбызның җыр сәнгатенә булган мөнәсәбәте нигезендә яшь буынны тәрбияләү.

   Бәйгене Бөтендөнья татар конгрессы, Сарман муниципаль районы Башкарма комитеты, «Меги» ачык иҗтимагый оешмасы, Региональ «Ак калфак» татар хатын-кызлары иҗтимагый оешмасы, “Оста” җаваплылыгы чикләнгән җәмгыяте; “Җыен” Фонды, МБӨББУ «И. Г. Шакиров исемендәге СБСМ» вәкилләреннән торган комитет оештырган иде.

   Бәйгедә катнашырга балалар Татарстанның күпчелек шәhәрләре,     районнарыннан жыелганнар иде. Чит төбәкләр – Башкортостан,Удмуртия,   Ханты-Мансийск округыннан, чит илдән дә  балалар катнашты.     

   Бәйге 2 этаптан торды. Беренче этапта катнашучы Илһам Шакиров репертуарыннан бер татар халык жырын, икенчесе - шулай ук легендар җырчыбыз репертуарыннан  композитор hәм  шагыйрь язган  җырны башкарып, видеоязмасын конкурсның оештыру комитетына җибәрергә тиеш иде.

   Икенче этап Илһам Шакировның туган ягында -  Сарманда үтте. Саба сәнгать мәктәбенең вокал булеген тәмамлаган райондашыбыз Айзилә Гарифуллина  (җитәкчесе  Гөлназ Дәулиева) «Тәфтиләу» hәм Хәбибулла  Фәтхуллин шигыренә татар халкының  бөек композиторы  Салих Сәйдәшев иҗат иткән «Хуш авылым» җырлары белән  чыгыш ясады һәм  1нче Лауреат исеменә лаек булып Гала-концертта катнашу хокукына ия булды.  Афәрин, Айзилә!