Саба балалар сәнгать мәктәбе укучылары “Казан халык сәнгать кәсепләре техникумы»нда булдылар

Хөснулла.һәм Аллаһияр Вәлиуллиннар исемендәге Саба балалар сәнгать мәктәбе укучылары “Казан халык сәнгать кәсепләре техникумы"нда  булдылар. Экскурсия нәфис керамика, зәркән эше, агачтан эшләнмәләр, костюм буенча рәссам, тегүче, чигүче, күн мозаикасы, рәсем һәм рәсем сәнгате дизайны, декоратив - гамәли сәнгать белән танышудан башланды. Укучыларга һәр һөнәр турында аерым сөйләделәр. Музейда студентларның диплом эшләре куелган иде. Балалар һәм укытучылар экскурсиядән бик канәгать калдылар,  күпләр киләчәктә укырга керү белән кызыксындылар.