Саба балалар сәнгать мәктәбендә башлангыч эстетик үсеш төркемнәрендә шөгыльләнүче балаларның күрсәтмә дәресләр узды

Ачык дәрестә балалар хорда, бию, музыка һәм рәсем сәнгатендә үзләренең осталыкларын күрсәттеләр. Башта балалар бию буенча нәтиҗәләр күрсәттеләр: музыка астында хәрәкәтләнделәр, биеделәр, хәрәкәтләрдә пластикада музыка характерын, уен образын тапшырдылар. Укытучылары Мөбәрәкҗанова А. З. һәм Гарипова Г. М. музыкаль-ритмик эшчәнлекнең төрле төрләрен чиратлаштырдылар: музыка - ритмик уеннар, этюдлар, гимнастика кулландылар. Икенчесе музыка дәресе үтте, анда балалар укытучы Зәйнетдинова З. З. белән төрле музыка коралларында уйнадылар (бубен, моракас, өчпочмак, ксилофон һәм кашыклар). Хор дәресендә укучылар баштанаяк тавыш тараттылар, соңыннан өйрәнгән җырларын хоры белән җырладылар. Дәреснең йомгаклау өлешендә укытучылар Газизова Г. Р. һәм Галиева Э. Р. яңа ел уенчыгын ничек ясарга дигән мастер-класс күрсәттеләр, балалар уенчыкны ата-аналар белән зур кызыксыну белән ясадылар.

Дәрес ахырында Кыш бабай белән очрашу булды, укучыларга бүләкләр тапшырылды.

Фото: http://saby.tatarstan.ru

http://saby.tatarstan.ru