Саба йөзү бассейнына килүчеләрне пар боланнар җигелгән тарантас каршы ала

  Оешма хезмәткәрләренең тырыш куллары белән иҗат ителгән кар сыннары арасында спортчылар да, йөзүчеләр дә, төрле әкият геройлары да бар.Ә бинаның төп керү юлында бирегә килүчеләрне пар боланнар җигелгән тарантас каршы ала. Караңгы төшкәч, ул төрле төстәге утлар балкышына күмелә. Каникул көннәрендә дә бассейн тулы куәтенә эшли. Бирегә балалар да, өлкәннәр дә килеп, рәхәтләнеп йөзә һәм физкультура белән шөгыльләнә алалар.