Сабалылар хатын-кызларны кайгыртты

Фәнил Мәүлетов, 13 декабрь 2019 - 08:09

1109

Безгә эшмәкәрлек һәм хәйриячелек төшенчәләре үзгәртеп кору башланган заманнан ук таныш. Алар беренче карашка гына бер-берсенә капма-каршы тора кебек. Безгә табыш артыннан гына кумыйча, иганачелеккә дә акча кызганмаган эшмәкәрләр яхшы билгеле.

Шуңа күрә хәзер эшмәкәрлекне җәмгыятьнең социаль аз якланган катламына файдалы итүне канун кысаларына кертү турында да уйлана башладылар. Чынбарлыкта социаль проблемаларны бизнес ярдәмендә хәл итеп буламы? Өченчекөн Сабада Теләче, Яшел Үзән, Питрәч, Арча, Балтач, Кукмара районнары бизнес вәкилләре, хакимиятләрнең социаль мәсьәләләр белән шөгыльләнүче бүлекләре, җәмәгать оешмалары җитәкчеләре шул сорауга җавап зләделәр. ТР Президенты каршындагы эшмәкәрлек советы координаторы Венера Камалова “Муниципалитетта социаль эшмәкәрлек – кыенлыклар һәм мөмкинлекләр” дигән темага очрашу үткәрде. Катнашучыларны башкарма комитет җитәкчесе Марат Ишниязов сәламләде, чараны оештыручыларга рәхмәт белдерде, социаль эшмәкәрләр белән очрашуның мөһимлегенә басым ясады. Ул көнне 7 район вәкилләре һәрберсе аерым өстәлдә бер команда булып, четерекле проблеманы хәл итү өчен проектлар әзерләделәр һәм аны якладылар...