ТЕЛЕ БАРНЫҢ - ИЛЕ БАР
“Әкият” балалар бакчасында татар теленә бик зур игътибар бирелә.Татарча бәйрәмнәр, күңел ачу чаралары һәрдаим үтеп тора. “Герой шагыйрь-Муса Җәлил”, ”Карга боткасы”, “Нәүрүз” бәйрәмнәре гөрләп узды.
Тәрбиячеләр белән А.Алишның “Сертотмас үрдәк” әкиятен сәхнәләштереп, балаларга курчак театры күрсәттек. Район һәм республика бәйгеләрендә зур уңышларга ирештек. Бакчабызда бәйрәмнәр,күңел ачу чаралары белән генә чикләнеп калмыйбыз китапханә, мәктәп белән дә тыгыз элемтәдә эшлибез. “Туган тел” көне уңаеннан балалар китапханәсендә үткәрелгән шигырь бәйгесендә катнаштык. Әти-әниләребез дә бәйрәмнәрдән, бәйгеләрдән читтә калмыйлар. Әйтик, әбиләр, әниләр белән бергә уртанчылар төркемендә “Әбиемнең серле сандыгы“ дип исемләнгән күңел ачу кичәсе үткәрдек. Балаларның, әти-әниләрнең татарча сөйләм телен үстерү максатыннан, һәр атнаның җомга көнендә “Мин татарча сөйләшәм” девизы белән бары тик татарча сөйләшәбез. Әти-әниләр бакчабызда татар телен өйрәнү белән кызыксына һәм кирәк дип саныйлар. Без балаларда аңа мәхәббәт тәрбияләргә тиешбез. ”Теле барның – иле бар“ – дип юкка гына әйтмәгәннәр әби-бабаларыбыз.
А.Мәннанова,
татар теле тәрбиячесе.
Шәмәрдән.
Следите за самым важным и интересным в Telegram-каналеТатмедиа
Нет комментариев