Тагын берничә көннән, көннәр явымсыз торса, күп кенә хуҗалыклар уракны төгәлли. Эшне быел һава шартлары аркасында сабан бодаеның өлгереп җитмәве дә тоткарлады.
Игенче-механизаторлар ярышында “Мөхәммәтшин” хуҗалыгыннан Айрат Хәмитов (“Акрос”) алда бара. Ул 4 сентябрьне кертеп, 16179 центнер ашлык суктырды. “Саба” җәмгыятеннән Айрат Галимуллин һәм Рөстәм Газизҗановның (“Джон-Дир”) эш күрсәткечләре 15939ар центнер, Рәис Шакировныкы (Мөхәммәтшин”) – 14830, Зөлфәт Мөбарәковныкы (“Челенджер”) – 13569, “Сатыш” бүлекчәсеннән Илһам Гыйльметдиновныкы 13598 центнер тәшкил итә. Комбайнчыларның 2 мең гектарда эш башкарасылары калды.
Фото: saby.tatarstan.ru
Нет комментариев