Ветеран укытучыларны социаль фонд эшчәнлеге белән таныштырдылар

 Бүген Саба гимназиясендә Саба районы социаль фондының Клиентлар хезмәте җитәкчесе урынбасары Фәридә Якупова ветеран укытучылар белән очрашуда катнашты. Очрашу башында Фәридә Якупова соңгы 5-6 елда социаль фонд эшчәнлеге мәсьәләләрендә булган үзгәрешләр турында сөйләде. Берләшкәннән бирле Фонд күрсәтелә торган хезмәтләр спектрын шактый киңәйтте. Бүген Фонд Россиядә шундый күләмдә түләүләр һәм социаль ярдәм чараларын тәэмин итүче бердәнбер оешма булып тора.

 "Без илебезнең һәр гражданины турында кайгыртабыз, аның социаль статусына, яшенә яки килеп туган тормыш хәленә карамастан.Оешмабызның ышанычлы канаты астында балалар, әниләр, ата-аналар, пенсионерлар, мөмкинлекләре чикләнгән гражданнар, хәрбиләр һәм ветераннар тора",- диде Ф. Якупова.

  Фәридә Якупова үз чыгышында пособиеләр һәм пенсияләр түләү мәсьәләсен яктыртты. Индексация үткәрү һәм пенсияне яңадан исәпләү тәртибенә, 80 яшькә өстәмә түләүләр билгеләүдәге үзгәрешләр турында аерым тукталды. Ул катнашучыларны кем вакытыннан алда пенсиягә чыга алачагы турында таныштырды. Очрашу актив форматта узды, очрашу барышында күп кенә сораулар бирелде, шул исәптән цифрлы акчалар, дәүләтнеке булмаган пенсия фондларында финанслашу, свода катнашучыларга һәм аларның гаиләләренә түләүләр турында. Барлык сорауларга аңлатмалар бирелде.