Юлбат мәдәният йорты һәм китапханә хезмәткәрләре “Хезмәт кешене бизи“ кичәсен оештырдылар

автор, 17 гыйнвар 2022 - 08:44

750

Халык сәнгате һәм матди булмаган мәдәни мирас елы кысаларында, 12 гыйнвар көнне Юлбат мәдәният йорты һәм китапханә хезмәткәрләре “Ак калфак” клубының “Хезмәт кешене бизи“ дип исемләнгән кул эшләренә багышланган кичә оештырдылар.

Кул эшләре - ул иҗат, ул фантазия очышы, башкаручының осталыгы. Һәр башкарылган әйбергә аның энергиясе, җан һәм йөрәкнең бер өлеше салына. Катнашучылар барлык теләүчеләрне дә кул эшләре осталыгына өйрәтергә әзер. Бүген алар үзләре яшь буын эшләре белән таныштылар, шулай ук «Хаят» коммерцияле булмаган оешмасы волонтерлары ролендә башкарылган эшләр белән таныштылар.

«Ак калфак» клубы әгъзалары 2021 елда төшерелгән видео һәм фото материаллары буенча мәдәният эшендә катнашкан иң якты мизгелләрне карадылар, нәтиҗәләр ясадылар һәм 2022 елга планнар төзеделәр.

"Халкыбызның күңел җәүһәрләре" исемле тематик күргәзмә оештырылды һәм күзәтү үткәрелде.