Җәлил бистәсендә сабалылар 2 урынга чыкты

29сентябрь-2 октябрь көннәрендә Актанышта Татарстан Республикасының беренче Президенты М.Шәймиев Кубогына татар-башкорт көрәше буенча республика ярышлары узды. Бәйгедә катнашкан 45 команда арасында безнең Саба районы көрәшчеләре 10 урынга чыкты, Тимершыктан Рәнис Таштиев (тренеры Л.Биктимеров) үз үлчәү категориясендә 3 урынны яулады.

30сентябрь-2 октябрь көннәрендә Сарман районының Җәлил бистәсендә 1994-1995, 1992-1993, 1991 елгылар һәм алардан өлкәнрәкләр арасында чаңгы ярышлары буенча җәйге чемпионат һәм ТР беренчелеге узды. Республиканың 18 командасы арасында сабалылар 2 урынга чыкты. Руслан Миңнеголов 5 чакрымлы дистанциядә 3нче булып килде (тренеры М.Гарипов).