Татарстан чаңгычылары Хакасиядә җиде медаль отты
Хакасиядәге Вершина Тея бистәсендә чаңгы узышлары буенча «Хакасия кубогы» ярышлары тәмамланды. Әлеге ярыш Халыкара чаңгы спорты федерациясенең (ФИС) Континенталь Кубогының икенче этабы да булып тора.
Ярышларның соңгы көнендә хатын-кызлар арасында 10 чакрымлык классик узыш булды. Анда Татарстаннан халыкара класслы спорт мастеры Алия Икъсанова финиәка өченче булып килде. Христина Мацокина – дүртенче, Светлана Кузнецова бишенче булды. Ир-атлар арасында 15 чакрымлык ярышта Татарстаннан Андрей Феллер дүртенче урынны алды.
“Хакасия кубогы” ярышларында Татарстан спортчылары 2 алтын, 3 көмеш, 2 бронза медаль яулады. Хәзер спортчылар Россия Кубогының 2 этабында катнашу өчен Чусовой шәһәренә (Пермь крае) юл тотты.
Фото: ачык чыганаклар
Чыганак: vatantat.ru
Следите за самым важным и интересным в Telegram-каналеТатмедиа
Нет комментариев