Кыр батыры – ил батыры

7 октябрь көнне авыл хуҗалыгы һәм эшкәртү сәнәгате хезмәтчәннәренең һөнәри бәйрәмнәре уңаеннан Казанның Баскет-холл залында республика күләмендәге уңыш бәйрәм оештырылды. Тормышын авыл хуҗалыгы тармагы белән бәйләгән 800гә якын хезмәт алдынгысын, ветераннарны тәбрикләүләр ТР авыл хуҗалыгы һәм азык-төлек министры Марат Әхмәтов чыгышы белән башланды. "Без, кыр батырын - ил батырына тиңлибез,-диде ул. -Игенче-механизаторларыбызның тырышлыгы белән иген кырларыннан 5 миллион тонна ашлык җыйнап алуыбыз, узган елгы корылыктан соң, барыбыз өчен дә олы куаныч булды. Иң тәмлесе - Татарстан икмәге. Крестьян тормышы җиңел түгел. Бүген бу залга үз гомерләрен җиргә багышлаган гади хезмәт кешеләрен хөрмәтләргә чакырдык. Илне-көнне матур эшләребез белән куандырып яшик". (Язманы тулысынча "Саба таңнары" газетасыннан укый аласыз).