БАЙЛАР САБАСЫНДА ЯШӘҮЧЕ ВЕТЕРАН ХЕЗМӘТТӘШЕБЕЗ ЗАРЕМА  ГАЗИЗ КЫЗЫ НӘБИУЛЛИНАГА – 70 ЯШЬ

Хөрмәтле Зарема Газизовна, сезне олы юбилеегыз белән ихлас күңелдән тәбрик итәбез һәм изге теләкләребезне юллыйбыз! Сезгә шатлыкларның иң олысын, сәламәтлекнең иң ныгын, гомернең озынын телибез. Туар таңнарыгыз өметле, көннәрегез тыныч, тормыш юлыгыз хәерле, имин булсын. Картаюны сизмичә, яшәү дәртен сүндермичә, кайгы-хәсрәт күрми гомер итәргә язсын. Алдагы көннәрдә дә күңел тынычлыгында, якыннарыгызның игътибарын тоеп яшәгез!

Нинди генә теләк теләсәк тә,

Аз булыр күк сезнең хөрмәткә.

Хәерле гомерләр бирсен Аллаһ –

Без һәммәбез шушы теләктә.

Тирән ихтирам белән “Саба таңнары” газетасы

редакциясе коллективы.