Әлеге рулетны бер ашасаң, гел ашыйсың киләчәк. Алда Яңа ел бәйрәмнәре көтә. Якыннарыгызны тәмле десерт белән сыйларсыз.
Безгә кирәк булачак:
печенье 300 грамм
банан 2 данә
эремчек 250 грамм
каймак 2 аш кашыгы
куыертылган сөт (сгущенное молоко) 2 аш кашыгы
җиләк 5-6 данә
киви 2 данә
мандарин 2 данә
Әзерләү өлешенә күчәбез:
Печеньены блендерда ваклыйбыз.
Печенье өстенә блендерда вакланган бананны салабыз.
Массаны яхшылап болгатабыз. Әйбәтләп басабыз да, махсус кәгазьгә җәябез.
Җәелгән камыр өстенә блендерда болгатылган массаны (эремчек, каймак, куертылган сөт) яхшылап җәябез.
Ә хәзер җиләк-җимешләрне турап болгатабыз да, өстенә тезеп чыгабыз.
Рулет формасына китереп бөгәбез.
1 сәгатькә суыткычка куеп торабыз. Табынга чыгарыр алдыннан матур итеп бүлеп куябыз.
Тәмле булсын!
Нет комментариев